بحث هذه المدونة الإلكترونية

الجمعة، مايو 29، 2009

صك الغفران



تحياتى للقراء و الأصدقاء و إليكم هذه الفقرة من المجموعة القصصية التى كتبتها من فترة لكن تكاسلت عنها مؤخرا فلم اكملها من فضلكم علقوا عليها و انتقدوها لأن نقدكم يقوى الفكرة و يعدل من اللغة

*************************

هذا ما ورد فى (صك الغفران) للعارف الأواب:

عندما ابتعدت عن ربى كنت اتعجب مما أشعر به إذ كنت ما أزال أشعربالله قريبا من قلبى!
و كلما غمست أعضائى فى الذنوب سمعتها تذكر الله فتعجبت أكثر!!
و لما أملت زمام نفسى عن طريق النور رأيته يلوح لى من بعيد....آه من نفسى الامارة بالسوء...
يا نفسى....دائما الله معى فى الطاعة يعينى، و عندما اتقرب إلى المعصية
كان يبعدنى عنها و يحمينى منها و يحافظ على روحى و يعيد نفسى إلى رشدها.
وحينا تضعف نفسى فأصر عليها. أقاوم لانغمس فى المعاصى أقاوم النقاء و أقاوم الرضا و أقاوم الحسن لالتصق بالمعاصى و السخط و القبح....ثم أقول كيف و لماذا و من و أعدد كل تساؤلات اللغة.
لا أعلم لماذا؟
حقا لماذا أنا من المصرين عليها ؟رغم كل هذا!
عرفت يقينا أن الله موجود فى كل وقت و كل حال و صرت اخجل من اقتراف الخطايا
علمت حقا أننا من نحكم غلق جفوننا غصبا عن هداية الله بإرادتنا البائسة

******************************
و ما ظلمناهم و لكن كانوا أنفسهم يظلمون

*******************************

الأربعاء، مايو 27، 2009

تعليق المدونة أثناء الماتش و بعد الماتش كمان


الصورة من النت


أنا خلصت فصل من الكتاب برونولد فقلت بالمناسبة اكتب لكم تعليق المدونة أثناء الماتش و بعد الماتش كمان


قبيل الماتش فى الشوارع:


من داخل البيت نسمع كل شوية تاكسى او ملاكى يهيص و يزمر له شوية العربات ازدانت بالوان الاسماعيلى شوفت عربية عليها رمز النازى استغربت فتحت التلافازيون شوفت شوبير و كابتن محسن صالح و قلبت فى القنوات قبل الماتش ثم استقرينا نحن العائلة الإسماعلاوية على قناة الحياة و خلاص
من أولها تسلل أبوتريكة الممثل و بيستظرف كمان ولا يمكن بيستمحن الحكم الأسبانى و عايز يدخل جون
بعد 4 دقائقق الجهلى دخل الهدف الأول من الثنائى الافريقى جلبرتو و فلافيو
هو احنا بنلعب مع فريق إيه بالظبط؟
شربت شاى بالنعناع المعلق مالوش حل على قناة الحياة تعليقاته مستفزة تركت التليفزيون حتى لا أصاب بأمراض العصر العصبية قعدت اسمع أغانى سميح شقيرعلى اللاب توب يمكن اهدأ لكن أذنى مع الماتش كل شوية
ثم توالت الأهداف الضائعة و الشد و الجذب خلاص مش هتفرج قعدت ادعى و قلت لماما - و هى مشغولة عنا وبتراجع فى التلاوة - لو تدعى لنا و انا كمان دعيت يارب نرجع معانا الدورى لاحسن احنا من زمان مش فرحنا
و لو حصل و اتهزمنا مش عارفين هيعملوا ايه يمكن ..... فى الاسكندرية
ما هو بيقولك -المعلق اللى بيقول لك - ان الجمهور 12 الف اسماعلاوى و زيهم جهلاوى يبقى هيعملوا ايه؟
يا رب استر يا ستير
فاصل و نواصل
...........
*****************************************
فيه ايه؟
الناس ما سمعت لهاش حس الكل كاتم نفسه ولا ايه و هو بيتابع الماتش
يمكن كل جيراننا ماتوا من الغيظ؟
مفيش غير المعلق عامل لى دوشة كل شوية
طيب انا مش انهزامية قوى
لكن مفيش مانع اما اجهز مبررات الهزيمة من دلوقت
ولا ايه؟
**********************************
اقتراح عاجل اثناء الماتش:
انا اقترح بعبقريتى يطلبوا وقت مستقطع زى كرة اليد و لا الطائرة
ليه يا عبقرية
علشان اللعيبة يخذوا لهم كلمتين علشان يفوقوا لو مش بيلعبوا كويس
و ياريت يفتكروا و ده الاهم انهم سوف........ (ضع ما تريد ) على ابواب الاسماعيلية لو رجعوا لنا من غير درع الدورى لكن لو بيلعبوا كويس خلاص مفيش داعى لوقت مستقطع ربنا معاهم
انتهى الشوط الاول تابعونا بعد الاستراحة
******************************
صليت المغرب و رحت اذاكر
انا عندى مشكلة اكبر من الدورى هاعمل لها بوست لوحده
باختصار الكتاب الجديد اللى اشتريته خطه نمنم صغير خالص
طب اقرأ فيه و الخص و لا الون فيه ازاى... استخدم العدسة المكبرة ؟
ولا اقرأ و الخص بره فى كشكول بخطى الجميل
_______________________________________
الشوط التانى
انتهى الماتش
فاز الجهلى
مبروك
شوفتوا عادى خاص

___________________________________

تعليق المدونة بعد الماتش كمان
البحث عن طبيب أهلاوى
يا ولاد الحلال حد شاف دكتور اهلاوى؟

اه هو مش تايه بالظبط لكن
هو اهلاوى و مش قيل لوالده و مخبى ليه سنين
و سافر من قبل الماتش بيوم..... ليه؟
تمويه علشان ميبانشى مع الاسماعلاوية الزاحفين يا ولداه 120 كيلو حتى الاسكندرية
و جلس فى صفوف مشجعى الجهلى
كيف استطاع هذا الخائن؟
و حاليا عائد إلى الإسماعيلية بعد الماتش
فمن يجده فى المعركة فليقتله
عفوا قصدى يعمل فيه اللى هو عايزه بعد الماتش
القتل ارحم طبعا من اللى هيتعمل فيه
صفاته هو اسمرانى بنظارة (خلقة ربنا)
دكتور اى نعم لكن لسه لسه نائب ناااااااااائب
اظن كده هتعرفوه على طول دى علامة مميزة (نائب) بيبانوا فى اى مكان
يا خسارة لو كنا نعرف!
كان زمانه نوباتجى من اسبوع.
عادى يعنى ارحم من اللى هيحصل له لو دخل الاسماعيلية
فاضل ايه تانى اقوله فاضل ايه ؟



· اه خليه فى الاسكندرية برده احسن من الاسماعيلية هواء و بحر
· خليهم يتبنوه فى الجهلى يمكن يدوه الستة عين بتوع الدكاترة و ياريت يوعدوه زى وعود الحكومة و انتوا عارفين طبعا وعود الحكومة...ده احسن انتقام منه
· و لا يمثلوا عليه زى ما الخلوق الممثل بيمثل اليومين دون استعدادا لبطولة فيلم الجهلى جهلك...وكده يسيب الطب و يركز فى التمثيل قصدى التمثيل الكروى
· ويا ريت كمان لو يعملوه دكتور الفريق الجهلى
و دى تكون فرصتنا علشان نخلص من الفريق الجهلى بعد ما حضرته يعالجهم بعبقريته الفذة
يعنى جهلى بيعالج جهلى يبقى التنين ههيخلصوا على بعض
و نترتاح من الاتنين
باااااااى

*******************************



حتى انت يا دودى
دودى طلعت جهلاوية
هى دكتورة من اسماعيلية و مسافرة بره
و قد جاءنا الآن أنباء عن قطع العلاقات الدبلوماسية لو طلع الكلام ده صح

*********************************
جيران الهنا
فى جيران لينا سمعناهم بهيصوا فى نهاية الماتش لثوان قليلة
و قد تركناهم احرارا بعد التعذيب
نحن لم نفعل ذلك لانهم جهلاوية
ولا لانهم هيصوا ولو لثوان معدودة
تفتكروا ليه
لان هى دى الديموقراطية !!!
********************************
تعليق المدونة وتعليق الصحافة
مدح ولا ذم

يقولون أن على ادارة الاسماعيلى من الان جلب لاعبين شرسين فى مواقع الهجوم و الدفاع و خط الوسط و ........
أقول لهم: اعتقد ان على ادارة الاسماعيلى من الان جلب لاعبين سوبر فى التمثيل وذلك لمواقع الهجوم خاصة لأنهم حقا افتقدوهم فى الفترة الاخيرة لو أرادو الفوز بأى بطولة
و من الممكن استيراد لاعب خلوق جدا بارع حقا فى الهجوم لكنه الأجدر فى التمثيل
********************
منجااااوى
يقولون لك منجاوى
قل لهم جهلاوى
و حرام علينا جهلكم الجهلاوى
و حرام عليكم المانجو الإسماعلاوى
****************************
خلى عندك هدف يا قليل الهدف
يقولون: إن هدفه الأعظم هزيمة الأهلي و بعدها ينام شهر !!خلي هدفك أكبر من كده !
صدقتم: فليكن هدفنا هو هزيمة الأهلى أو غيره بشرف و هنيئا لكم الهدف الأكبر بدون شرف.
**************************************************
أنا قلت من الأول الدورى الموازى:

فى بداية الدورى كنت قلت هذا الاقتراح تعليقا على انتقال اللاعبين من الاسماعيلى للجهلى بعد ما يظهروا و يكبروا ياخدوهم على الجاهز بفلوسهم

اقترحت انه لا داعى لأن نلعب مع الأهلى و المفروض إننا نلعب فى دورى موازى منفصلين عن الأهلى و هو يلعب لوحده كده طوال مباريات الدورى و يكسب لوحده و يأخذ البطولة على مقاسه و يحتكر المنصب الاول و باقى الفرق تلعب على الثانى

و بعدين لما نحب نهنئ فريق على الفوز نهنيه على المنصب الثانى و الثالث و الرابع و هكذا

و الان مش هنهنى فريق الأول لأن النجاح له طعم بعد المنافسة الشريفة و ليست باخذ النجوم من الفرق المناسبة و ليس بالمنافسة فى الوقت بدل بدل الضائع

و بهذا كله نلغى المنصب الاول المحجوز مقدما لوحيد القرن - وهذا ليس ذما إطلاقا-و بلاش وجع قلب و حرقة دم و مواجهة مع الجهلى وحيد القرن


المنافسة الاعلامية
:
ليست المنافسة الإعلامية تكمن فى أن يطل علينا عضو المجلس الموقر فى قناة الحياة ليفتى و يقول إيه رأيكم فى احتساب عدد الأشواط و يستظرف أكثر و يقترح إيه رأيكم فى اقتسام درع الدورى ست شهور مع كل فريق وذلك قبل المبارتين النهائيتين بأيام
و فى الآخر يقول للمشاهدين انا كنت باهزر معاكم



ودى من قناة مودرن



رااااااااااااااااااااح


http://videohat.masrawy.com/view_video.php?viewkey=4d5fdaeffcf9d9b6be00


الثلاثاء، مايو 19، 2009

سميح شقير






**********************
إنه الفنان سميح شقير الفنان السوري الموهوب ( مغني و مؤلف موسيقي و شاعر). و أعلمه مغنيا من أجل قضية و هدف. و أسمعه يغنى من أجل من يحترمون الفن. و لهذا فلا يرحل صوته و ستظل أغانيه دوما لأن الهدف نبيل لا يموت و الفن الراقى يستمر.
ومن أقوى ما غنى (وقوفا كالأشجار) و لطالما كانت تملأ حياتنا فكرة هذه الأغنية. إذ كانت تحسم لنا كل قضايانا الفكرية و تساؤلاتنا اليومية فيما علينا أن نفعله فى مواقف كثيرة. فإن أردت حياة و معيشة فعش حرا أو مت و أنت واقفا. ففى كل الأحوال ستعيش و ستموت فلماذا ترضى بالدنية فى حياتك أو مماتك؟ إذن عش حرا أو مت واقفا حرا.
أما لو استطاع صوتنا أن يصل إليه لأرسلنا إليه كلماته الجميلة و ألحانه الأجمل هدية فنقول له أطال الله فى عمرك و أدام صوتك الجميل النقى يا سميح لكن بيننا و بين صوته فى كل بلاد العرب ما يعوق صوته و يعتم عليه و شفيعنا الوحيد هو الإنترنت الذى يعبر من خلاله صوتنا إليه و صوته إلينا.
و ستجدون بعضا من أغانيه على موقع أنفاس نت الثقافى




وكل أغاني سميح شقير تقريبا في ملف













الاثنين، مايو 18، 2009

الدراويش برازيل العرب




عرفت موقع جديد عن برازيل العرب

و يوميا حتى تحسم النتيجة


سنوافيكم بالأنباء عن الدراويش
دعواتكم


*************
من التراث و الفلكلور الإسماعلاوى

من الإسماعيلية- مدينة السحر و الجمال
..... و الدراويش اللى زيهم مفيش










**************
يا رب تمم فرحنا
و الدورى يكون لنا


**********************





الأحد، مايو 17، 2009

كيف يشرق قلب؟

يقول ابن عطاء
كيف يشرق قلب؟
كَيْفَ يُشْرِقُ قَلْبٌ؛ صُوَرُ الأَكْوانِ مُنْطَبِعَةٌ في مِرْآتهِ؟
أَمْ كَيْفَ يَرْحَلُ إلى اللهِ وَهُوَ مُكَبَّلٌ بِشَهْواتِهِ؟
أَمْ كَيْفَ يَطمَعُ أنْ يَدْخُلَ حَضْرَةَ اللهِ وَهُوَ لَمْ يَتَطَهَرْ مِنْ جَنْابِةِ غَفْلاتِهِ؟
أَمْ كَيْفَ يَرْجو أَنْ يَفْهَمَ دَقائِقَ الأَسْرارِ وَهُوَ لَمْ يَتُبْ مِنْ هَفْواتِهِ؟!

الدراويش



بدون تعليق
من التراث و الفلكلور الإسماعلاوى
اخترت لكم
*****


من الإسماعيلية- مدينة السحر و الجمال
..... و الدراويش اللى زيهم مفيش


**************
يا رب تمم فرحنا
و الدورى يكون لنا

**********************

اعمل جدول لو سمحت



نصيحة لمن يقرأ كثيرا اعمل جدول لو سمحت

**********************
إننا نقرأ للمعرفة ونقرأ أيضا للتسلية
لكن أحيانا نمل أو نفتر فنغير الكتاب لأخر و قد لا نعود أبدا لما ابتدأناه
و بهذا لا نأخذ الفائدة الكاملة من الكتاب فنكون قد اطلعنا عليه فقط
لهذا انصحك بعمل جدول يومى لما قرأته
حتى تواظب على قراءة الكتاب حتى لو لم يكن شيقا للغاية
وهذه الصورة مثال يوضح ذلك
-- حاجة كده زى جدول المذاكرة تمام--
*****
ضع خانة تكتب فيها تعليقك على الكتاب إيجابا أو سلبا
اذكر ما غيره فيك أو ما أثر فى نفسيتك أو جعلك تكتب مقالا عنه أو تلخصه مثلا
اذكر مثلا ما هى ظروف قراءتك للكتاب قد تكون احتجت لقراءته ليساعدك أو اكتشفته صدفة أو قرأته فى سفر
اذ مثلا هل هذه هى المرة الاولى او الثانية التى تقرأ فيها الكتاب
ضع معلومة عن الناشر و سنة النشر لو شئت
****
وهكذا ستصبح القراءة جزءا من حياتك اليومية و ليست فقط وسيلة للتسلية
إنك بذلك تكون قد دونت أجزاءا من حياتك عن طريقة تدوين ما تقرأ
***

الاثنين، مايو 04، 2009

هدووووء

سنترككم لأيام قليلة
شرفونا بتعليقاتكم و انتم تتصفحون المواضيع السابقة فى المدونة
من قائمة المفضلة و التصنيفات
*** *** ***
بحثنا عما نتركه لكم ففضلنا أن تنعموا معنا فى هذا الهدوء الروحانى
من القران الكريم بصوت الشيخ محمد رفعت
و الشيخ عبدالباسط عبدالصمد
تحياتنا لحين نعود




نعوم تشومسكي




شكرا جزيلا لمن دلتنى على هذا الكتاب
الهيمنة أم البقاء : السعي الأميركي إلى السيطرة على العالم / تأليف نعوم تشومسكي

ترجمة سامي الكعكي

بيانات النشر بيروت، لبنان : دار الكتاب العربي، 2004

هذا هو الموقع الأول الذى عرفت منه أن له ترجمة بالعربية


الجمعة، مايو 01، 2009

حتى لا ننسى من هو العدو و لا نلهث وراءه

استيقظت صباح اليوم فى نحو الساعة السادسة على أصوات الغارات الجوية المكثفة التى بدأتها قواتنا ضد المواقع الاسرائيلية المواجهة لمدينة الاسماعيلية .. وكان العدو الاسرائيلي قد لجأ منذ الخميس أمس الأول وأمس الجمعة ، فى تدعيم هذه المواقع .. ودفع بعدد من الوحدات الصاروخية نحو الحافة الشرقية للقناة .
...................



وحتى لا ننسى من هو العدو و لا نلهث وراءه
رحم الله الشهداء


أخلاقيات البحث العلمى

تنظم جامعة قناة السويس مؤتمرها الاول عن أخلاقيات البحث العلمى تحت رعاية الدكتور محمد الزغبى رئيس الجامعة وذلك يوم 4 مايو القادم بقاعة الاحتفالات الكبرى بالاسماعيلية. المؤتمربرئاسة الدكتورعلى الزيات نائب رئيس الجامعة لشئون البيئة وخدمة المجتمع ومقررعام المؤتمرالدكتورة ميرفت الشبراوى استاذ مساعد طب وجراحة العيون بكلية الطب ومدرب معتمد لاخلاقيات البحث العلمى من جامعة ميرلاند الامريكية والتى صرحت ان المؤتمر يناقش تاريخ اخلاقيات البحث العلمى على الانسان والحيوان وعمل اليات على تاريخ البحث العلمى واهم الضوابط المنظمة له والضوابط الاخلافية للبحوث الطبية عن الادوية .
Related Posts Plugin for WordPress, Blogger...