بحث هذه المدونة الإلكترونية

السبت، يوليو 16، 2011

من بورسعيد الحرة

هذي الرسالةُ، يا أبي، من بورسعيدْ 
من حيثُ تمتزجُ البطولةُ بالجراحِ وبالحديدْ
من مصنعِ الأبطالِ، أكتبُ يا أبي
من بورسعيدْ..
هكذا كتب نزار قباني رسائله من بورسعيد الحرة، و هكذا اكتب اليوم لكم:

 يقول العجوز موجها حديثه لمبارك و المجلس العسكري:

"إحنا بقى لنا كذا شهر ما شفناش مبارك..و لا اولاد مبارك ..و لا شفنا حد من حاشية مبارك..إحنا عايزين نشوف مبارك..إحنا عايزين نتأكد من وجوده..ما يكونوش هربوه..و أنا اقسم بجلالة الله و انتم معايا ان احنا هنحميك يا مبارك علشان تطلع تبرأ نفسك و تقول لنا على فلول الفساد اللي موتنا ولادنا و تبرأ نفسك..لو انت بريء صحيح اطلع على شاشة التليفزيون قول لنا مين قتل ولادنا و قول لنا مين اللي قتل فلوسنا و احنا مستعدين نسامحك بس اطلع على التليفزيون و اكدوا لنا ان حسني مبارك لسه موجود..عايزين نتأكد ان حسني مبارك موجود"


هتاف بورسعيد:
" يا مشير قول لعنان الشرعية م الميدان عسكر عسكر ليه احنا ف سجن و لا ايه   من المنشية للتحرير...يسقط يسقط المشير يا له يا مصري انزل من دارك...طنطاوي هو مبارك القضاء هو مبارك...الإعلام هو مبارك  شلنا مبارك جالنا مشير و لا تطهير و لا تغيير أول مطلب للثوار: هو إعدام الطيار. اللي نهب سبعين مليار. الشعب يريد إعدام السفاح. يا ابن بلدي اصحى و فكر... يسقط يسقط حكم العسكر اضرب اضرب بالرصاص جسمنا نحس خلاص اعتصام اعتصام حتى يسقط النظام عسكر عسكر ليه ...حسني ف شرم بيعمل إيه؟ سامع أم شهيد بتنادي...باسم الثورة باسم بلادي اوعوا تنسوا حق و لادي حق ولادك مش حنسيبوه..حق اخواتي مش حنسيبوه"

الصور و الفيديوهات تتحدث الآن:











هناك 4 تعليقات:

شمس العصارى يقول...

يعيش يعيش اهل بورسعيد الحرة
وتحية لاهل القناة كلهم
احنا فى القاهرة بنستمد منهم الاستمرار
مجهود مشكور يا دكتورة
انتى حضرتى الاعتصام فى بورسعيد

Sonnet يقول...

شكرا جزيلا على التعليقات ، أنا فقط حضرت مظاهرات بميدان المنشية. يبدو ان لكل محافظة نكهة مختلفة في التظاهر

ماما أمولة يقول...

ماشاء الله عليك يا طبيبة وعلى متابعتك ومشاركتك للأحداث
نعم لكل مدينة روح وردود أفعال مخالفة للأخرى
ولكن نتمنى أن تكون الروح والكلمة واحدة في كل المدن
تقديري لك سونت

Sonnet يقول...

هلا ماما أمولة...بإذن الله إيد واحدة. بس الناس تترك الاطماع و الاختلافات جانبا و مصر هتكون أحلى بإذن الله

Related Posts Plugin for WordPress, Blogger...