بحث هذه المدونة الإلكترونية

الجمعة، يوليو 08، 2011

مظاهرات الإسماعيلية 8 يوليه - صور و فيديو

بدأت المظاهرات بتجمعات من المساجد و انتقلت إلى ميدان الفردوس و إلى ميدان الممر. كان هناك مجموعات أخرى من شوارع رئيسية انضمت إلى ميدان الممر الرئيس في الإسماعيلية الذي شهد مظاهرات و اعتصامات سابقة قبل تنحي مبارك.
عدد المتظاهرين في الإسماعيلية لا يقل عن 10 آلاف يجوبون شوارع الإسماعيلية في مجموعات متفرقة. كان هناك مجموعة اخرى في ميدان الممر. قامت مظاهرة بالتحرك من الممر إلى شارع رضا ثم أمام (الاستاد) النادي الإسماعيلي. أثناء ذلك حاول بعض تغيير مسار المظاهرة للمرور أمام الجيش خلف الاستاد مع بعض التجاوزات الفردية من المتظاهرين الشباب. توقفت المسيرة قليلا و تم منع الشباب المخالفين من قبل المتظاهرين أنفسهم، و صاحوا (سلمية سلمية). رجال كبار و شيوخ أقنعوا الشباب بعدم تغيير خط المظاهرة و سارت المظاهرة من الطريق الأصلي دون أي احتكاك بالجيش بل قاموا بتبادل التحية كما يظهر في الفيديو الصور المرفقة. شاهدت ظابط جيش و أحد العساكر يحيون المتظاهرين بالرغم من هذا التجاوز بإشارة thumb up
شاهدت الاحترام المتبادل بين الجيش و الرجال كبار السن و الشيوخ.
تم إغلاق الطريق من و إلى مبنى محافظة الإسماعيلية بالجيش احتياطيا بعد الجمعة بساعة تقريبا. و لم تمر المظاهرات منه بل عادت إلى الميدان.
النشيد الوطني في الإسماعيلية كان يجوب الشوارع بين الهتافات.
كمية النساء المشاركة كبيرة. احد السيدات تحمل علم فلسطين طوال المظاهرة.
التحرك بالمظاهرة في شوارع أكثر مما اعتادت عليه مدينة الإسماعيلية.
المتظاهرون من كل الأطياف إن صح التعبير ( سلف أخوان أحزاب شباب رجل نساء).
درجة الحرارة مرتفعة جدا و صاح المتظاهرون بطلب مياه من السكان الذين يشاهدونهم من النوافذ و الشرفات (البلكونات). و استجاب البعض.
عربات الباعة الجائلون انتشرت تبيع المرطبات (العرقسوس و العناب،...).
وزع البعض كاب ورقي للرأس على المتظاهرين مجانا.

http://drsonnet.tumblr.com/tagged/Ismailia

بعض الهتافات:
سامع أم شهيد بتنادي مين هايجيب لي حق ولادي
الأحزاب مع الاخوان نحمي الثورة في كل مكان 
قول يا جيش يا محرر سينا...سايب القتلة ليه وسطينا؟
ياللي بتسأل إحنا مين إحنا كل المصريين إحنا شباب خمسة و عشرين
عدا بدل الشهر اتنين...اللي قتلوا اخواتنا فين
عدا بدل الشهر ستة..دم اخواتنا ف كل حتة
يا طنطاوي قول لعنان...إزاي يحكمنا رئيس أركان
يا عادلي قول الحق... حسني قاتل و لا لأ
القصاص القصاص ضربوا خاوتنا بالرصاص
قولوا للظابط قولوا للبيه مش عايزين ينزلوا و لا إيه
شالوا ريا و جابوا سكينة...دول سرقونا و ضحكوا علينا
شالوا حرامي و جابوا شيخ منصر..يسقط يسقط حكم العسكر
حسني مبارك مش تعبان شعل كوسة و بتنجان
الثورة راحت فين يا مشير..
اقفل مصنع  خبي  رغيف...بكرة يقولوا حسني نضيف
يا مشير يا مشير
لا فئوية و لا حزبية و لا هترجع تاني وسية
المجلس العسكري و حكومة شرف إيد واحدة
الشعب يريد محاكمة السفاح
يا مشير يا مشير فين العدل فين التغيير... يسقط يسقط حكم العسكر
يا مشير سيب مصر تعيش ما تورطش معاك الجيش
يا أهالينا يا أهالينا....الحرية ليكوا و لينا
قاعدين قاعدين ماحناش ماشيين...مش هنقول للظلم آمين
طب علي صوتك بالهتاف...الشعب المصري ماعدش يخاف
قول يا مصري بعلو الصوت: عسكر عسكر ليه؟ احنا صهاينة و لا إيه؟
قول يا مصري بعلو الصوت: يا حرية فينك فينك... مجلس عسكر بينا و بينك
يا عصام باشا و يا عصام بيه..أنت طلعت معاهم ليه
يا عصام باشا و يا عصام بيه..قول لي اتغير ايه
دم بدم رصاص برصاص...إحنا كرهنا الظلم خلاص
ياللي ساكت ساكت ليه..مش مظلوم و لا ايه
ياللي ساكت ساكت ليه..خدت حقك و لا إيه
 
















هناك تعليقان (2):

مهندس مصري يقول...

خير ان شاء الله ما دام الشعب اتوحد تاني مفيش حد يقدر يقف ضده
قوتنا في وحدتنا

Sonnet يقول...

@مهندس مصري
أهلا بك...قوتنا في وحدتنا بإذن الله

Related Posts Plugin for WordPress, Blogger...