بحث هذه المدونة الإلكترونية

السبت، يناير 16، 2010

منعوا الناشطين من المواساة، ثم زايدوا عليهم

تحديث أخير و توضيح:


الشكر الجزيل لمن سأل عن أو ساعد المحتجزين في نجع حمادي حتى الخروج سالمين. ثم يجب -في رأيي الشخصي- أن ال 30 ناشط - بنفسهم-  يصدروا بيانا جماعيا أنهم ذهبوا بدافع العزاء و المواساة، و هذا يعني ضمنيا أن ما فعلوه ليس لأهداف أخرى, و بالطبع ليس تبعا لأجندات خاصة!!! و هذا لا ينفي اختلاف انتماءاتهم الفكرية و الحزبية التي من حق كل واحد أن يذكرها في أي وقت . 
 بالنسبة لخروجهم: ربنا  ستر أولا و أخيرا ’ ثم جزى الله خيرا كل من وقف معهم وكل من أدى واجبه 
عنوان المبادرة أو البيان التوضيحي: ذهبوا للعزاء والمواساة، فمنعوهم و احتجزوهم
  و عندما خرجوا، زايد البعض عليهم لماذا: لأن هذا ما يجب أن يفهمه الشعب و العالم و الإعلام جيداااااا لماذا: لأن الناس بتصدق بس التلافزيوون و الجرايد و موقع مصراووووي
أو يقولوا إنهم كانوا رايحين يشاهدوا منظر خسوف الشمس الشهير بجنوب مصر بالمرة علشان ما حدش يزايد عليهم!!! فكرة عبقرية؟ صح؟ و بالتالي ماحدش يطلع كل شوية يقول دول تبعنا و لا احنا اللي بعتناهم

 بالنسبة لذهابهم، الموضوع كان إنسانيا شعبيا و سيظل كذلك في رأيي المتواضع

اكمل لتعرف القصة من باقي التدوينة و في التعليقات




تحديث ثان:
من مدونة كشف


ربنا يكرمهم بجد
مش عارفة أقول شكرا بأي صيغة ولو إنهم موش منتظرين شكر من حد؛  فحبيت أقول لهم الجملة دي اللي بقت منتشرة قوي ف مصر، وتقريبا معناها: شكرا ألف شكر.....الأستاذ أحمد سيف ومركز هشام مبارك و الأستاذة نوارة نجم والأستاذ حجاج نايل ومدام هالة المصري ومدام مارجريت والاستاذ رامي رؤوف والدكتورة عايدة ومركز النديم وسمسمة(سامية بكري) ومحمد عادل ود أسامة الغزالي حرب ود إبراهيم نوار والشبكة العربية وايمان هاشم ومحمد وجورج من تجمع وكل اللي تابع اوضغط اوساعد في تسريحنا من الاحتجاز في قنا.(صاحبتي بتقول اني عاملة زي ما اكون ف فرح بكوشة ولا زي كابتن لطيف.. بس ليهم حق ولو كلمة شكر) ونقلب الصفحة ونواصل جميعنا العمل بلا خوف، طالما ورانا رجالة 


تحديث أول:


عادوا بالسلامة الحمد لله
و شكرا لمن دعمهم
الفقرة القادمة 
قص و لصق من مدونة كشف

صور من غرفة احتجازنا في مديرية أمن قنا

  



اسعاف المعتقل طارق- ٢٤ سنة من أهالي سوهاج (تعرض لاغماء مرتين الجمعة، وحاول د مصطفي النجار اسعافه ونقل في المرة الثانية للمستشفى)







 وتعرض لاغماء ثالث في صباح اليوم الثاني.





مروا من هنا - وكتبت برضه انهم جابولنا شاي اول ما وصلنا..للذكرى الخالدة!

 

واحنا بنراقب الأمن م الشباك



الأمن الوحش اللي احنا بنراقبه



 

 اودة الحجز



ومفتوحة على بيت الادب- ماهو حمام تركي بقى، وكنت بستخدم تليفوني المحمول داخله لزوم التخفي يعني







 من وصايا السابقين

 

عربية الترحيلات




وكنا رايحين جايين



ياللا كل احتجاز وانتوا طيبين وتصبحوا على خير

  ************************************


التدوينة الأصلية:






المشاركون والمتضامنون حتى الآن
مركز هشام مبارك للقانون
المركز المصرى للحقوق الاقتصادية والاجتماعية
المنظمة المصرية لحقوق الانسان
الشبكة العربية لمعلومات حقوق الانسان
مركز النديم لتأهيل ضحايا العنف
مؤسسة حرية الفكر والتعبير
اتحاد المدافعين عن حقوق الانسان العرب
مؤسسة الهلالى للحقوق والحريات
المركز المصرى للحق فى التعليم
مركز أندلس لدراسات التسامح ومناهضة العنف


روابط تحدثت عن الخبر 



http://www.almasryalyoum.com/en/news/naga-hammadi-bloggers-released-after-one-day-detention




هناك 22 تعليقًا:

الفقيرة إلى الله أم البنات يقول...

عارفه يا دكتور يا حبيبتى
اظن انهم خايفين عليهم علشان نجع حمادى ملتهبه وأى شئ هيولع الدنيا
ان شاء الله يخرجوا بالسلامه
واسراء دى مش البنت بتاعة 6 ابريل؟
هى مش قالت ملهاش فى السياسه؟
ربنا يهدى ويفرج كربهم وكرب المكروبين

Sonnet يقول...

أهلا أم البنات
عدوا و عدن بسلامة الله
و هذه كانت مجرد ذهاب للتعزية
و ليس للموضوع علاقة بسياسة و لا غيره
كما جاء في الأنباء
هم فعلا خايفين عليهم جدا
جدا لهذا تم احتجازهم!
لكن ربنا ستر

Sonnet يقول...

أنا إيدى اليمين مكسورة و في الجبس
باكتب بالشمال لهذا تجدوني بطيئة
و كمان خطي وحش

توفيق التلمساني يقول...

.أختي الكريمةالسلام عليكم
رغم أننا لا نعاني من الطغط بالدرجة التي يعرفها المواطن المصريين إلا أننا نحسدكم على الحيوية التي تتمتعون بها.
تحياتي و احتراماتي

Sonnet يقول...

أهلا استاذ توفيق
ما شغلني هو وجود أصدقاء هناك
ثانيا التعامل الغريب و المتربص للأمن ضد أناس ذهبوا لمبادرة عادية و شعبية
يبدو أن الحكومة كما قالوا غاروا منهم او خافوا عليهم فأحبوا يوقفوا واجب العزاء و رمز الوحدة لان هناك مسلمين و مسيحين معا في نفس المجموعة
فقاموا باحتجازهم جميعا ليوم
هذه العزائم و لا بلاش
و نعم الكرم في مصر
لا تحسدونا اتفضلوا عندنا و نحن نكرمكم
بس بجد مش كما فعل الأمن

كلمات من نور يقول...

إنا لله و إنا إليه راجعون .......لا تعليق على ما كتب ..ولكن سلامة إيديك اليمين إيه الل حصل؟؟؟؟؟؟؟؟؟؟؟؟؟؟

Sonnet يقول...

أهلا كلمات من نور
حاجات ثقيلة وقعت على ذراعي في البيت
و أنا شغالة
قدر الله و ما شاء فعل
الناس كلها قالت لي حسد و عين
لأني أخذت وظيفة جديدة في التأمين الصحي
ما فيش شهر

توفيق التلمساني يقول...

قرأت السطر الأول من دعوتك فظننت أنك تدعينني لضيافة أقسام الشرطة هههه .
سلامة لإيدك و مبروك الوظيفة الجديدة.
تحياتي الأخوية.

Sonnet يقول...

أستاذ توفيق
و عليكم السلام ورحمة الله

أنا كنت بامزح
و اهلا بك و باسرتك بمصر في اي وقت
مالحقت اتهنى بالوظيفة
الحمد لله
الجزائر صعدت مع انجولا مبروك

Mona يقول...

سلامتك يادكتورة وربنا يوفقك

Sonnet يقول...

أهلا منى
الله يسلمك

كلمات من نور يقول...

ههههههه اتحسدتي علشان وظيفة حكومية وعلى رأي المثل : إن فاتك الميري اتمرمغ في ترابه...ألف سلامة عليكي يا دكتورة ...خلي بالك من نفسك

Sonnet يقول...

اهلا كلمات من نور
قلة حظ
اعمل ايه
قليل البخت يلاقي ايه

اقصوصه يقول...

طبعا انا ما عندي اي سابق فكره

عن هالموضوع قبل قرائتي لهالتدوينه

شكرا على نقل الخبر

Sonnet يقول...

أهلا أقصوصة
شكرا على الاهتمام

norahaty يقول...

عارفة ومن قبل
ما أكمل القراءة أنا
ماوافقكِ أن إعلامنا الرسمى
مزايد وموالى للجهات الرسمية
فقط ولو كانوا فى جانب الخط ألمهم
السلطة تبقى راضية عنهم.

norahaty يقول...

سلامة ايدك ياطبيبة
سليمة بأذن الله
وماتخافيش خطك
حلو لسه:)

محمد الجرايحى يقول...

السلام عليكم ورحمة الله وبركاته
هم مصابون بفوبيا تجعلهم يتخبطون
بعد أن تاهت خطواتهم عن الطريق..

وسلامة يدك
وشفاك الله وعافاك

Sonnet يقول...

@norahaty
اهلا بك
يا عزيزتي
معك حق لو كانوا ذاهبين تبع الحكومة و حزبها لكانواا باركوا هذه الخطوة و يمكن كمان انزلوهم في فندق و اصدروا لهم بيان يشكروهم
*********
اسألك الدعاء

Sonnet يقول...

@
و عليكم السلام و رحمة الله

استاذ محمد الجرايحي

اصبت عين الحقيقة
انها حالة من التخبط و الغشم التي تجعلهم يفعلون هذا
و جزاكم الله خيرا على الدعاء

البيروني يقول...

حسبنا الله و تعم الوكيل
ربنا يجزي خير كل من ساهم بالخير في المساعدة
و ربنا على الظالم و المفترى

Sonnet يقول...

@ البيروني
أهلا بك
حسبنا الله و نعم الوكيل دائما

Related Posts Plugin for WordPress, Blogger...